السويسريون يقترعون على حق الحيوانات في الحصول على محامين

[بدون متعصب]

هذا كلب وهكذا يتعامل له جدول يومي اكل مخصص طلع يتفسح ساعه له غرفه لحاله مخصصه له كبت مخصص له

ويروح على الطبيب يسوي تحاليل كل اسبوعين

اول شي حنا غرفه وحده وفيها عشره والروتين اليومي قاعد بالبيت الكبت عشره مشاركينك فيه والطبيب ادفع دينارين عشان تدخل على الدكتور يشوف شنو فيه

الله كريم

[فارس بلا جواز]

اللهم احفظ دول الكفر العادلة ... ولتسقط دول التأسلم الظالمة

[المهموم]

المشاركة الأصلية كتبت بواسطة حنونه

ولله شباب مره فكرت اشتري جلب و أنتو بكرامه ويكرم أسم الله
رحت أول شي وسألت شنو لازم أسوي انا فكرت مثل دول العربيه اشتري وأنا بكيفي شنو أوكله وشلون أنومه
وله أطلعت يا شباب السالفه فيها حتى سجن!!!! قولو شلون؟؟؟
1> ارخص جلب و انتو بكرامه سعره 500 دينار
2> كل شهر افحص دمه وكل جسمه على أحسابي
3> في أكل محدد لازم اوكله واذا ما وكلته يتمرض لأنه متعود
4> كل يوم اطلعه ساعه و اذا ما أطلعتا يسوي أضراب عن الأكل لأنه متعود ومن أروح افحص دمه راح يشوفون شكله تعبان وهني راح يعرفون شنو في لأنهم هم أمربينه,,, وراح ادش في سين وجيم وأحتمال يغرموني وياخذونه مني أذا تكررت السالفه 3 مرات
4> له دار خاصه في و بين فتره و فتره تيي اللجنه تجيك تشوف فراشه و أكله و ملابسه لأن من يطلع في لبس لازم يلبسه عن البرد
5>اسوي له جواز ومن أبي أسافر أبلغهم ,, عشان يعرفون أيي دوله ومتى ارد وشحقه وليش؟؟؟..... و أذا صار في شي و السبب مو مقنع ومافي أثبات عن كلامي انسجن...

قمت وقلت لهم لا يبه مشكورين غيرت رأيي
رحت عاد شريت عصفور
بس بعد ممنوع يغادر البلاد ههههه واذا أصريت يبيلها مراجعات وشلعت قلب قي المطار

الواحد لما يسمع هالاخبار يعني جواز وليسن للبيت وحقوق واللي تبيه يصير والله يتمنى يكون حيوان انا اتوقع حتى الحيوانات اذا درت فينا تكرم عنا او تترفع وله انتو شرايكم ودي اكون غلطان بس انا متاكد اني مو غلطان وله انتو شرايكم الاخوان انا اقصد عن نفسي وماقصدت احد من الموجودين